இன்றைய ராசிபலன் - 09.11.2024..!!!

மேஷம்

மேஷ ராசிக்காரர்களுக்கு இன்று அடுத்தவர்களுக்கு உதவி செய்யக்கூடிய மனப்பான்மை இருக்கும். எந்த விஷயத்திலும் பொறுமையோடு நடந்து கொள்வீர்கள். அவசரப் பட மாட்டீர்கள். வேலையிலும் தொழிலிலும் எதிர்பார்த்ததை விட நல்ல முன்னேற்றம் இருக்கும். குடும்பத்தில் ஒற்றுமை நிலவும். கணவன் மனைவிக்குள் இருந்து வந்த சண்டை சச்சரவுகள் சரியாகும்.

ரிஷபம்

ரிஷப ராசிக்காரர்களுக்கு இன்று வரவு நிறைந்த நாளாக இருக்கும். நீண்ட நாள் வராமல் இருந்த பணம் கையை வந்து சேரும். சேமிப்பை உயர்த்துவீர்கள். மன நிம்மதி அடைவீர்கள். மனைவியிடம் நல்ல பெயரும் கிடைக்கும். உடன் பிறந்தவர்களோடு பிரச்சனைகள் வர வாய்ப்புகள் இருக்கிறது. ஜாக்கிரதையாக இருந்து கொள்ளுங்கள்.

மிதுனம்

மிதுன ராசிக்காரர்களுக்கு இன்று தேவையற்ற மன பயம் இருக்கும். எந்த வேலையிலும் முழுசாக ஆர்வம் காட்ட முடியாது. யாரிடமும் அதிர்ந்து, ஒரு வார்த்தை கூட எதிர்த்துப் பேச மாட்டீர்கள். இதுவே, உங்களுடைய வாழ்க்கையின் முன்னேற்றத்திற்கு தடையாக இருக்கும். சரி என்று பட்டதை பட் என்று சொல்வது போல், தவறு என்றாலும் மனதில் பட்டதை இன்று பட்டென பேசும் போது தான் உங்கள் வாழ்க்கையில் நல்லது நடக்கும்.

கடகம்

கடக ராசிக்காரர்களுக்கு இன்று நன்மை நடக்கக்கூடிய நாளாக இருக்கும். வேலையில் நல்ல முன்னேற்றம் இருக்கும். மேலதிகாரிகளுடன் அனுசரணையாக நடந்து கொள்வீர்கள். பதவி உயர்வு, சம்பள உயர்வு கிடைக்கவும் சில பேருக்கு வாய்ப்புகள் இருக்கிறது. குழந்தைகளுடைய கல்வியில் கொஞ்சம் ஆர்வம் காட்டுங்கள். ஆரோக்கியத்திலும் கவனம் செலுத்துங்கள்.

சிம்மம்

சிம்ம ராசிக்காரர்கள் இன்றைய நாளை ஒரு மணி நேரம் முன்கூட்டியே துவங்க வேண்டும். தாமதத்தால் சின்ன சின்ன பிரச்சனைகள் வருவதற்கு வாய்ப்புகள் உள்ளது. ஆரோக்கியத்தில் கவனம் செலுத்துங்கள். தொழிலில் புதிய முதலீடு செய்ய வேண்டாம். மூன்றாவது நபரை கண்மூடித்தனமாக நம்ப வேண்டாம்.

கன்னி

கன்னி ராசிக்காரர்களுக்கு இன்று வாழ்க்கையில் நிறைய நல்லது நடக்கும். வாழ்க்கையை அடுத்த கட்டத்திற்கு நகர்த்திச் செல்ல தேவையான முயற்சிகள் வெற்றியை கொடுக்கும். தாழ்ந்த நிலையில் இருப்பவர்கள் உயர்ந்த நிலைக்கு செல்வீர்கள். அடுத்தவர்கள் மதிக்கத்தக்க வகையில் உங்களுடைய வாழ்க்கை சூழ்நில் மாறும். தலைக்குனிந்து நடந்த நீங்கள் தலைநிமிர்ந்து நடப்பதற்கான நேரமும் காலமும் கைக்கூடி வரும்.

துலாம்

துலாம் ராசிக்காரர்களுக்கு இன்று மனம் மகிழ்ச்சியாக இருக்கும். இன்பத்தில் உங்களுக்கு தலைகால் புரியாது. நீண்ட நாள் எதிர்பார்த்த நல்லது நடக்கும். வேலையிலும் தொழிலிலும் நல்ல முன்னேற்றம் இருக்கும். உறவுகளோடு இருந்து வந்த சண்டை சச்சரவுகள் நீங்கும். நீண்ட நாள் பிரிந்த உறவு ஒன்று சேரும். காதல் கைகூடும். திருமணம் வரை செல்லும்.

விருச்சிகம்

விருச்சிக ராசி காரர்களுக்கு இன்று எதிர்ப்பாராத அதிர்ஷ்டம் அடிக்க காத்துக் கொண்டிருக்கிறது. நீங்கள் நினைத்துப் பார்க்காத நல்லது ஒன்று நடக்கும். இல்லை என்றால் தொலைபேசியின் மூலம் அந்த செய்தி வந்து சேரும். மன மகிழ்ச்சி உண்டாகும். சுப செலவுகள் உண்டு. வாரா கடன் வசூல் ஆகும். நிதி நிலைமை உயரும்.

தனுசு

தனுசு ராசிக்காரர்களுக்கு இன்று கௌரவம் நிறைந்த நாளாக இருக்கும். உங்களை பெருமைப்பட செய்யும் நிகழ்வுகள் நடக்கும். தலை குனிந்த இடத்தில் தலை நிமிர்ந்து நிற்பீர்கள். செய்த தவறுகள் எல்லாம் சரியாகும். உயர்ந்த பதவி க்காக எதிர்பார்த்துக் கொண்டிருப்பவர்களுக்கு நல்ல செய்தி உண்டு. அரசு ஊழியர்களுக்கு நல்ல முன்னேற்றம் காணக்கூடிய நாளாக அமையும். கலைஞர்களுக்கு பரிசு பாராட்டு விழா ஏற்பாடும் நடக்கும்.

மகரம்

மகர ராசிக்காரர்களுக்கு இன்று சிந்தனை நிறைந்த நாளாக இருக்கும். எல்லா வேலையையும் சிறப்பாக செய்து முடிப்பீர்கள். தொலைநோக்கு பார்வையோடு நடந்து கொள்வீர்கள். பிள்ளைகளின் எதிர்காலத்திற்கு தேவையான சேமிப்புகளை உயர்த்துவீர்கள். கணவன் மனைவி ஒற்றுமை ஏற்படும். ஆரோக்கியத்தில் முன்னேற்றம் உண்டு. வேலை தொழிலில் எதிர்பார்த்ததை விட முன்னேற்றம் காண்பீர்கள்.

கும்பம்

கும்ப ராசிக்காரர்களுக்கு இன்று பெயர் புகழ்ந்தது உயரக்கூடிய நாளாக இருக்கும். வேலையில் இருந்து வந்த சிக்கல்கள் விலகும். சுறுசுறுப்பாக செயல்படுவீர்கள். மனதிற்கு பிடித்த நபரை சந்திப்பீர்கள். வாழ்க்கையில் எதிர்பாராத நல்லது நடக்கும் நாளாக இன்று அமையும். நீண்ட தூர பயணம் நன்மையை கொடுக்கும்.

மீனம்

மீன ராசிக்காரர்கள் எடுக்கும் புதிய முயற்சிகள் இன்று வெற்றியை கொடுக்கும். ஏற்றத்தாழ்வுகள் நிறைந்த சில பேரோட வாழ்க்கையில் இன்று புதிய திருப்பங்கள் உண்டாகும். நிதிநிலைமை சீராகும். கணவன் மனைவி ஒற்றுமை அதிகரிக்கும். நீண்ட நாள் பிரச்சனையிலிருந்து விடுபடுவீர்கள். மனது நிம்மதி அடையும். இரவு நல்ல தூக்கம் கிடைக்கும்.