இன்றைய ராசிபலன் - 27.07.2024..!!!

மேஷம்

மேஷ ராசிக்காரர்களுக்கு இன்று மனது ஒருநிலைப்படும். கடமையில் கண்ணும் கருத்துமாக நடந்து கொள்வீர்கள். எந்த ஒரு விஷயத்திலும் அலட்சியப் போக்கு இருக்காது. மேலதிகாரிகளிடம் நல்ல பெயர் கிடைக்கும். சம்பள உயர்வு கிடைக்கும். கூடா நட்பிடம் இருந்து விலகி இருந்தால் வாழ்க்கையில் இன்னும் நல்லது நடக்கும். வாழ்க்கை துணை சொல்வதை நிதானமாக செவி கொடுத்து கேட்டால் நிச்சயம் நல்லது நடக்கும்.

ரிஷபம்

ரிஷப ராசிக்காரர்கள் இன்று சௌகரியமாக இருப்பீர்கள். உங்களுக்கு தேவையான நல்லது எல்லாம் நடக்கும். நீங்கள் எடுக்கக்கூடிய முடிவுகள் உங்களுக்கு சாதகமாக அமையும். புதிய முயற்சிகளை மேற்கொள்ளலாம். வேலையில் நீங்கள் செய்யும் சின்ன சின்ன விஷயத்துக்கு கூட பெரிய அளவில் பாராட்டக் கிடைக்கும். நல்ல முன்னேற்றம் இருக்கும். வருமானத்தில் இரட்டுப்பு மடங்கு உயர்ந்த நிலையை அடைவீர்கள். தொழிலில் எதிர்பாராத வெற்றி காத்துக் கொண்டிருக்கிறது.

மிதுனம்

மிதுன ராசிக்காரர்களுக்கு இன்று நலமான நாளாக இருக்கும். உடல் ஆரோக்கியத்தில் நல்ல முன்னேற்றம் இருக்கும். நல்ல ஓய்வு கிடைக்கும். சந்தோஷமாக உணவை சாப்பிட்டு சந்தோஷமாக வீட்டில் இருப்பவர்களோடு நேரத்தை செலவு செய்வீர்கள். முடிந்தால் வீட்டு பக்கத்தில் இருக்கும் அம்மன் கோவிலுக்கு சென்று நன்றியை தெரிவிக்கவும். வீட்டில் சுபகாரிய தடைகள் விலகும் நல்லது நடக்கும்.

கடகம்

கடக ராசிக்காரர்களுக்கு இன்று சின்ன சின்ன தடைகள் வரும். புதிய முயற்சிகளை நாளை தள்ளி போடுங்கள். சுபகாரிய பேச்சுகளையும் தள்ளி போடவும். அன்றாட வேலையில் மட்டும் கூடுதல் கவனம் செலுத்தவும். எந்த வேலையையும் அடுத்த நாள் செய்ய வேண்டும் என்பதற்காக தள்ளி வைக்காதீங்க. சோம்பேறித்தனத்தை விளக்கி விடுங்கள். நேரத்தை வீணாக செலவழிக்காமல் அன்றைக்கான வேலையை அன்றே முடித்தால் நீங்கள் தான் ராஜா.

சிம்மம்

சிம்ம ராசிக்காரர்களுக்கு இன்று தன்னம்பிக்கை தைரியம் எதுவுமே இருக்காது. கொஞ்சம் கோழைத்தனம் வெளிப்படும். ஆனால் பயத்தை வெளியே காட்டிக் கொள்ளாதீர்கள். உங்களை நிறைய பேர் ஏமாற்ற காத்துக் கொண்டு இருக்கிறார்கள். பயந்தால் கூட, தைரியசாலி போல நடித்தால் வெற்றி அடையலாம். துணிச்சலோடு செயல்படுங்கள். கடவுள் உங்க பக்கம் இருக்கார் பயப்படாதீங்க.

கன்னி

கன்னி ராசிக்காரர்களுக்கு இன்று சந்தோஷம் நிறைந்த நாளாக இருக்கும். வீட்டில் விருந்தாளிகளின் வருகை இருக்கும். பிள்ளைகளால் மனமகிழ்ச்சி ஏற்படும். கொஞ்சம் சுப செலவுகள் உண்டாகும். கோவிலுக்கு செல்லக்கூடிய பாக்கியம் சில பேருக்கு கிடைக்கும். தெய்வீக ரீதியாக நிறைய நல்ல விஷயங்களை செய்து மன திருப்தியை அடைவீர்கள். இரவு நல்ல தூக்கத்தை பெறுவீர்கள்.

துலாம்

துலாம் ராசிக்காரர்கள் இன்று வாயை அடக்க வேண்டும். அதிகம் பேசக்கூடாது. முடிந்தால் மௌன விரதம் இருங்கள். யார் என்ன சொன்னாலும் தலையை ஆட்டிக்கொண்டு சரி சரி என்று சென்றால் பிரச்சனை இல்லை. வாக்குவாதம் செய்யாதீங்க. சிக்கல் வம்பு சண்டைக்கு போகாதீங்க. தானா தேடி வரும் சண்டையையும் விட்டு விலகி நில்லுங்கள். அவ்வளவுதான் இன்று உங்களுக்கான பாடம்.

விருச்சிகம்

விருச்சக ராசி காரர்கள் இன்று பொறுமையாக இருக்க வேண்டும். எந்த ஒரு விஷயத்திலும் புத்திசாலித்தனமாக யோசிக்க வேண்டும். குள்ளநரி தன வேலையை செய்ய வேண்டிய சூழ்நிலை இன்று உங்களுக்கு உண்டாகும். சில தந்திர வேலைகளை செய்தால் தான் வாழ்க்கையில் பிழைக்க முடியும். அதை விட்டுவிட்டு நேர்மையாக பேசுகிறேன் என்று, பேசக்கூடாத இடத்தில், பேசக்கூடாத விஷயத்தை பேசி மாட்டிக் கொண்டால் பிறகு யாராலும் உங்களை காப்பாற்ற முடியாது.

தனுசு

தனுசு ராசிக்காரர்களுக்கு இன்று படபடப்பாக இருக்கும். எந்த வேலையிலும் ஆர்வம் இருக்காது. துடிப்போடு செயல்படுகிறேன் என்று சொல்லி சில காரியங்களை தவறாக செய்யவும் வாய்ப்புகள் இருக்கிறது. பொறுப்புகளை உணர்ந்து செயல்படுவும். குழந்தைத்தனமாக இருக்க வேண்டாம். உடல் ஆரோக்கியத்தில் கவனம் செலுத்துங்கள். நிதிநிலைமை கொஞ்சம் மோசமாகத்தான் இருக்கும். கடன் சுமை குறைய சேமிப்பை உயர்த்தவும்.

மகரம்

மகர ராசிக்காரர்களுக்கு இன்று நல்ல நாளாக தான் இருக்கும். குடும்பத்தில் சந்தோஷம் பிறக்கும். வேலை சுமூகமாக செல்லும். சொன்ன நேரத்தில் சொன்ன வேலையை முடித்துக் கொடுத்து விடுவீர்கள். நீண்ட தூர பயணத்தை கொஞ்சம் தவிர்த்துக் கொள்ளவும். மூன்றாவது நபரிடம் பழகும் போது எல்லைக்கோடு போட்டுக் கொள்ளுங்கள். அடுத்தவர்களுடைய விஷயத்தில் நீங்கள் மூக்கை நுழைக்காதீர்கள். ஊர் வம்பு பேசினால் இன்று பிரச்சனை வந்து சேரும்.

கும்பம்

கும்ப ராசிக்காரர்கள் இன்று ரொம்பவும் அமைதியாக இருப்பீர்கள். எவ்வளவு பிரச்சனை வந்தாலும் தாங்கிக் கொள்வீர்கள். இடியே வந்து தலையில் விழுந்தாலும் அசராமல் அப்படியே நிற்பீர்கள். இன்னைக்கு உங்க மன உறுதியை பாராட்டலாம். இதனால் உங்களுக்கு நிறைய பக்குவங்கள் கிடைக்கும். நிறைய நல்ல அனுபவங்கள் கிடைக்கும். பயப்படாதீங்க பொறுமையாக இருப்பவர்கள் என்றுமே தோற்றுப் போவது கிடையாது. பிரச்சனைகள் எல்லாம் உங்களுக்கு வரும். கடவுள் உங்கள் பாரத்தை நிச்சயம் குறைப்பான் குலதெய்வ வழிபாடு செய்யுங்கள்.

மீனம்

மீன ராசிக்காரர்கள் பிரச்சினையிலிருந்து விடுபட்டது போல ஒரு உணர்வு இருக்கும். ஆனால் நிஜமாவே நீங்க பிரச்சினையில் தான் இருக்கிறீர்கள் என்பது உங்களுக்கு புரியாது. எந்த ஒரு வேலையாக இருந்தாலும் முழு ஈடுபாடுடன் செய்யுங்கள். முழு கவனத்தோடு செய்யுங்கள். கவனக்குறைவு உங்களுக்கு பிரச்சனையை கொடுத்து விடும்‌. தெய்வத்தான் ஆகாது எனினும் முயற்சி தன் மெய்வருத்தக் கூலித்தரும் என்பதை நீங்கள் நினைவில் வைக்கவும்.