துருவ நட்சத்திரம் டிசம்பர் 08 ஆம் திகதி ரிலீஸ்?

நடிகர் விக்ரம் நடிப்பில் இயக்குனர் கௌதம் வாசுதேவ் மேனன் இயக்கத்தில் உருவாகியுள்ள படம் துருவ நட்சத்திரம்.

பல வருடங்களாக வெளியாகாமல் இருந்த துருவ நட்சத்திரம் திரைப்படம் நவம்பர் 24ஆம் திகதி வெளியாகும் என்று எதிர்ப்பார்க்கப்பட்ட நிலையில், ஆல் இன் ஆல் பிக்சர்ஸ் நிறுவனத்திடம் இயக்குனர் கெளதம் மேனன் முன்பணமாக வாங்கிய 2 கோடியே 40 லட்சம் ரூபாய் பணத்தை திருப்பி தர வேண்டும், பணத்தை திருப்பி தரவில்லை என்றால் துருவ நட்சத்திரம் படத்தை வெளியிடக் கூடாது என்று இயக்குனர் கௌதம் மேனனுக்கு சென்னை உயர்நீதிமன்ற நீதிபதி உத்தரவிட்டதால் துருவ நட்சத்திரம் படம் சொன்னபடி நவம்பர் 24 ஆம் திகதி ரிலீஸ் ஆகவில்லை.

எப்படியாவது இந்த படத்தை ரிலீஸ் செய்ய கௌதம் மேனன் தொடர்ந்து பல முயற்சிகளை எடுத்து வருகிறார். இதனை தொடர்ந்து அவருக்கு சமூக வலைத்தளங்களில் பல ரசிகர்கள் ஆதரவு தெரிவித்து வருகின்றனர்.

இந்நிலையில், தற்போது டிசம்பர் 08 ஆம் திகதி துருவ நட்சத்திரம் படத்தை ரிலீஸ் செய்ய கௌதம் மேனன் பேச்சு வார்த்தை நடத்தி வருவதாக கோலிவுட் வட்டாரத்தில் பேச்சு எழுந்துள்ளது.

டிசம்பர் 08 ஆம் திகதியாவது துருவ நட்சத்திரம் வெளியாகுமா இல்லையா என்பதை பொறுத்திருந்து பார்க்கலாம்.