10 ஆவது பாராளுமன்றத்தின் முதலாவது கூட்டத்தொடரின் கன்னி அமர்வு இன்று..!!!

பத்தாவது பாராளுமன்றத்தின் முதலாவது கூட்டத்தொடரின் கன்னி அமர்வு இன்று வியாழக்கிழமை (21) சம்பிரதாயபூர்வமாக நடைபெறுவுள்ளது.

அணிவகுப்பு ஏதுமில்லாமல் மிகவும் எளிமையான முறையில் இடம்பெவுள்ள பாராளுமன்றித்தின் முதலாவது கூட்டத்தொடரின் கன்னி அமர்வில் ஜனாதிபதி அநுரகுமார திஸாநாயக்க தனது அரசாங்கத்தின் கொள்கைப் பிரகடனத்தை சபையில் முன்வைப்பார்.

10 ஆவது பாராளுமன்றத்தின் முதலாவது கூட்டத்தொடரின் கன்னி அமர்வு இன்று காலை 10 மணிக்கு சம்பிரதாயபூர்வமான முறையில் ஆரம்பிக்கப்படும்.

பாராளுமன்றத்தின் சபாநாயகராக தேசிய மக்கள் சக்தியின் பாராளுமன்ற உறுப்பினரும் சிரேஸ்ட அரசியல்வாதியுமான நிஹால் கலப்பதியை நியமிப்பதற்கு ஆளும் தரப்பு தீர்மானித்துள்ளதாக அறியமுடிகின்றது. அத்துடன் பிரதி சபாநாயகர், குழுக்களின் தலைவர் ஆகிய பதவிகளை தமிழ், முஸ்லிம் பிரதிநிதிகளுக்கு வழங்கும் யோசனை முன்வைக்கப்பட்டுள்ளது.

பாராளுமன்றத்தின் சபை முதல்வராக அமைச்சர் பிமல் ரத்நாயக்கவும் ஆளும் தரப்பின் பிரதம கொறடாவாக அமைச்சர் நளிந்த ஜயதிஸ்ஸவும் நியமிக்கப்படவுள்ளனர்.

பாராளுமன்ற முதலாவது அமர்வில் சபாநாயகர் தெரிவு பிரதானமானதொரு விடயமாகும. சிரேஷ்டத்துவம் மற்றும் தகைமை அடிப்படையில் சபாநாயகர் தெரிவு செய்யப்படுவார்.

சபாநாயகர் பதவிக்கு இருவரின் பெயர்கள் முன்மொழியப்பட்டால் இரகசிய வாக்கெடுப்பு நடத்தப்படும். ஒருவரின் பெயர் மாத்திரம் முன்மொழியப்பட்டால் ஏகமனதாக தெரிவு இடம்பெறும். சபாநாயகர் தெரிவு செய்யப்பட்டவுடன் சபாநாயகர் சத்தியப்பிரமாணம் செய்துகொள்வர்.

சபாநாயகர் தெரிவு இடம்பெற்றதன் பின்னர் சபை நடவடிக்கைகளின் பொறுப்புகள் சபாநாயகருக்கு பொறுப்பாக்கப்படும். பாராளுமன்ற உறுப்பினர்கள் அனைவரும் தமது ஆசனங்களில் இருந்து எழுந்தவாறு கூட்டாகப் பதவிப் பிரமாணம் செய்து கொள்வார்கள்.

ஜனாதிபதியின் கொள்கைப் பிரகடன உரை இன்று முற்பகல் 11.30 மணிக்கு இடம்பெறவுள்ள நிலையில், மரியாதை அணி வகுப்பு, மரியாதை வேட்டு ஏதுவுமில்லாமல் ஆரவாரமற்ற முறையில் ஜனாதிபதி பாராளுமன்றத்துக்கு வருகை தரவுள்ளார்.

பாராளுமன்றத்தின் பிரதான வாயிலில் இருந்து சபாநாயகர் மற்றும் பாராளுமன்ற செயலாளர் நாயகம் ஆகியோர் ஜனாதிபதிக்கு மரியாதை செலுத்தி அவரை சபா மண்டபத்துக்கு அழைத்துச் செல்வர்.

ஜனாதிபதி முற்பகல் 11.30 மணிக்கு அரசாங்கத்தின் கொள்கைப் பிரகடனத்தை முன்வைப்பார். அதனைத் தொடர்ந்து அடுத்த அமர்வுக்காக பாராளுமன்ற அமர்வை ஜனாதிபதி ஒத்திவைப்பார்.

மேலும் வாசிக்க

இன்றைய ராசிபலன் - 21.11.2024..!!!

மேஷம்

மேஷ ராசிக்காரர்களுக்கு இன்று வெற்றி தரும் நாளாக இருக்கும். புதிய முயற்சிகளை மேற்கொள்ளலாம். நிதி நிலைமை சீராகும். வியாபாரத்தில் நல்ல முன்னேற்றம் இருக்கும். குடும்பத்தில் சந்தோஷம் பிறக்கும். தேவையற்ற பிரச்சனைகள் தானாக உங்களை விட்டு விலகும். மாணவர்களுக்கு கல்வியில் முன்னேற்றம் இருக்கும். நீண்ட தூர பயணத்தை தவிர்த்துக் கொள்வது நல்லது.

ரிஷபம்

ரிஷப ராசிக்காரர்கள் இன்று அன்றாட வேலையில் கவனம் செலுத்த வேண்டும். தேவையற்ற பிரச்சனைகள் வருவதற்கு வாய்ப்புகள் உள்ளது. அனாவசியமாக அடுத்தவர்கள் வம்பு தும்புக்கு போக வேண்டாம். நீங்கள் உண்டு உங்கள் வேலை உண்டு என்று இருந்தால் மட்டும் போதும். வீட்டில் பெரியவர்கள் பேச்சை கேட்டு நடக்கவும். நீங்களாகவே எந்த புது முடிவையும் எடுக்க வேண்டாம்.

மிதுனம்

மிதுன ராசிக்காரர்களுக்கு இன்று கொஞ்சம் சுறுசுறுப்பு தேவை. சோம்பேறித்தனமாக இருந்தால் சில பல பிரச்சனைகள் வரும். அன்றாட வேலையை அந்தந்த நேரத்திற்கு தகுந்தது போல முடித்து விடுங்கள். இல்லை என்றால் இந்த நாள் இறுதியில் பிரச்சனைகள் பெருசாக இருக்கும். தூக்கம் கெடும் அளவுக்கு வேலை பளு அதிகமாகிவிடும்.

கடகம்

கடக ராசிக்காரர்களுக்கு இன்று நல்லது நடக்கும். வேலை பளு குறையும். வீட்டில் இருக்கும் பெண்களுக்கு மன நிறைவு இருக்கும். சுப செலவுகள் ஏற்படும். பிள்ளைகளால் மன மகிழ்ச்சி அடைவீர்கள். வியாபாரத்தில் நல்ல முன்னேற்றம் காண்பீர்கள். லாபம் நிறைந்த நாளாக இருக்கும். எதிர்காலத்திற்கு தேவையான நல்ல விஷயங்களையும் இன்று துவங்கலாம்.

சிம்மம்

சிம்ம ராசிக்காரர்களுக்கு இன்று வரவு நிறைந்த நாளாக இருக்கும். நீண்ட நாட்களாக பிரச்சனையாக இருந்த நிதி நிலைமை சீராகும். வரா கடன் வசூல் ஆகும். தொழிலை விரிவு படுத்த முயற்சிகளை மேற்கொள்ளலாம். வேலையில் இருந்து வந்த சிக்கல்கள் விலகும். எதிரிகளும் நண்பர்களாக மாறுவார்கள். திறமைகள் வெளிப்படும் நாளாக இருக்கும். உற்சாகம் பிறக்கும்.

கன்னி

கன்னி ராசிக்காரர்களுக்கு இன்று தேவையற்ற மன பயம் இருக்கும். எந்த வேலையிலும் முழுசாக ஆர்வம் காட்ட முடியாது. தலைபாரம் உடல் சோர்வு ஏற்படவும் வாய்ப்புகள் இருக்கிறது. ஆரோக்கியமான உணவை சாப்பிடுங்கள். நேரத்திற்கு சாப்பிடுங்கள். மூன்றாவது நபர் சொல் பேச்சு கேட்க வேண்டாம். வீட்டில் இருக்கும் உறவுகளோடு சண்டை போட்டுக் கொள்ளாதீர்கள். விட்டுக் கொடுத்து நடப்பது நல்லது.

துலாம்

துலாம் ராசிக்காரர்களுக்கு இன்று சுகமான நாளாக இருக்கும். வீட்டில் தடைப்பட்டு வந்த சுப காரியங்கள் மீண்டும் நடக்கும். சுப செலவுகள் உண்டு. மன நிறைவோடு இருப்பீர்கள். பெற்றவர்கள் தங்களுடைய கடமையை நிறைவேற்றிய மன திருப்தியை அடைவீர்கள். நீண்ட நாள் பிரச்சனைகள் சரியாக்கும். உடல் ஆரோக்கியத்தில் மேம்பாடு இருக்கும். தொழிலில் முன்னேற்றம் இருக்கும்.

விருச்சிகம்

விருச்சிக ராசி காரர்களுக்கு இன்று கொஞ்சம் பயம் இருக்கும். தேவையற்ற விஷயத்தை மனதில் போட்டு குழப்பிக் கொள்வீர்கள். ஆனால் பிரச்சனைகள் என்று பார்த்தால் பெருசாக எதுவும் இல்லை. அடுத்தவர்கள் பற்றிய சிந்தனையை மனதிற்குள் கொண்டு வர வேண்டாம். உங்களுடைய வேலையில் மட்டும் கவனம் செலுத்தினால் போதும். அடுத்தவர்களோடு உங்களை ஒப்பிட்டு பார்க்க வேண்டாம்.

தனுசு

தனுசு ராசிக்காரர்கள் இன்று அடுத்தவர்களுக்கு உதவி செய்வதில் அதிக ஆர்வம் காட்டுவீர்கள். வேலையில் நல்ல முன்னேற்றம் இருக்கும். தொழிலை விரிவு படுத்த தேவையான முயற்சிகளை மேற்கொள்வீர்கள். புதிய முதலீட்டுகளை செய்யலாம். வங்கி கடன் பெறலாம். புதிய மனிதர்களின் நட்பு உங்களுக்கு நிறைய நல்ல விஷயங்களை கற்றுக் கொடுக்கும். அனுபவம் கிடைக்கும்.

மகரம்

மகர ராசிக்காரர்களுக்கு இன்று தேவையற்ற பிரச்சனைகள் வரக்கூடிய நாளாக இருக்கும். புதுசாக யாரிடமும், நெருங்கி பழக வேண்டாம். உங்களுடைய வீட்டு விஷயங்களை தெரியாத மூன்றாவது நபர்களோடு பகிர்ந்து கொள்ள வேண்டாம். நீங்கள் உண்டு உங்கள் வேலை உண்டு என்று இருந்தால் தேவையற்ற பிரச்சனைகளில் இருந்து தப்பித்துக் கொள்ளலாம். இறை வழிபாடு செய்யுங்கள். நல்லது நடக்கும்.

கும்பம்

கும்ப ராசிக்காரர்களுக்கு இன்று உற்சாகம் நிறைந்த நாளாக இருக்கும். வேலையில் அதிக ஆர்வம் காட்டுவீர்கள். பதவி உயர்வு சம்பள உயர்வு கிடைப்பதற்கு வாய்ப்புகள் உள்ளது. நீண்ட தூர பயணம் நன்மையை கொடுக்கும். வியாபாரத்தில் கொஞ்சம் கூடுதல் அக்கறையோடு செயல்பட வேண்டும். கடனுக்கு வியாபாரம் செய்ய வேண்டாம். கொடுக்கல் வாங்கலில் கவனம் இருக்கட்டும்.

மீனம்

மீன ராசிக்காரர்களுக்கு இன்று கொஞ்சம் உடல் அசதி இருக்கும். இருந்தாலும் உங்களுடைய அன்றாட வேலையை சிறப்பாக செய்து முடிப்பீர்கள். ஆரோக்கியத்தில் மட்டும் தான் கவனம் செலுத்த வேண்டும். வியாபாரத்திலும் பெருசாக எந்த பிரச்சனையும் இருக்காது. உறவுகளோடு நல்லிணக்கம் ஏற்படும் சந்தோஷம் பிறக்கும்.

மேலும் வாசிக்க

இரண்டு மாதங்களுக்கு சூரியனை காணாத நகரம்..!!!

சூரியன் உதிப்பதைக் கொண்டுதான் நாம் ஒரு நாளின் தொடக்கத்தை கணித்து கொள்கிறோம். அலாஸ்காவில் உள்ள ஒரு நகரத்தில் சுமார் இரண்டு மாதங்கள் வரை சூரியனே தெரியதாம்.

இந்த நகரத்தில் கடைசியாக சூரிய அஸ்தமனமானது 2024 நவம்பர் 18ம் திகதி என்றால் உங்களால் நம்ப முடிகின்றதா?

மேற்கு அரைக்கோளத்தில் உள்ள மிகப்பெரிய தீபகற்பம் அலாஸ்காவாகும்.

அலாஸ்கா வட அமெரிக்க கண்டத்தின் வட மேற்கில் அமைந்துள்ளது.

இங்கு உள்ள உட்கியாக்விக் என்னும் நகரத்தில் சுமார் 4,500 மக்கள் வசிக்கின்றனர்.

அங்கு ஒவ்வொரு ஆண்டின் கடைசியிலும் சூரியன் இரண்டு மாதங்கள் வரை தென்படாதாம்.

ஏனெனில் இக்காத்தில் துருவ இரவு (Polar Night) சீசனுக்குள் இந்நகரம் நுழைகிறது.

இந்த துருவ இரவு என்னும் நிகழ்வானது ஒவ்வொரு குளிர்காலத்திலும் இங்கு நிகழுமாம்.

துருவ இரவு என்பது பூமியின் தென் துருவம் மற்றும் வட துருவப் பகுதிகளில் 24 மணிநேரத்திற்கும் மேல் இரவு பொழுது நீடிப்பதைக் குறிக்கிறது.

பெரும்பாலும் இம்மாதிரியான நிகழ்வு துருவ வட்டங்களில் மட்டுமே நிகழும்.

இதில் உட்கியாக்விக் நகரம் ஆர்க்டிக் வட்டத்திற்கு வடக்கே அமைந்துள்ளது.

பூமியில் உட்கியாக்விக் நகரம் இருக்கும் பகுதியை எடுத்துக் கொண்டால் இந்த துருவ இரவு காலகட்டத்தில் பூமியானது அதன் அச்சில் 23 1/2 டிகிரியில் சாய்ந்திருக்கும்.

இப்படி பூமி அச்சின் சாய்வு காரணமாக, இந்த நகரத்தில் ஒவ்வொரு ஆண்டும் குளிர்க்காலத்தில் இந்த மாதிரியான ஆச்சரியமான நிகழ்வு நடக்கிறது.

நவம்பர் 19ம் திகதி முதல் இருளில் மூழ்கிய இந்த நகரத்தில் மீண்டும் சூரியனை அடுத்த ஆண்டு 2025 ஜனவரி 23ம் திகதி காண முடியும்.

சூரியன் இந்த நகரத்தில் கண்ணில் படாமல் இருக்குமே தவிர மற்ற படி பகல் வேளையில் இந்நகரமானது நீல நிறத்திலும் இரவு வேளையில் இருட்டாகவும் இருக்கும்.

மேலும் சூரியன் இங்கு தெரியாததால் மிகவும் கடுமையான குளிரை அனுபவிக்கக்கூடும்.

ஏனெனில் இங்கு இக்காலத்தில் வெப்பநிலையானது மைனஸ் 23 டிகிரியாக இருக்கும்.

இதனால் இங்கு வாழும் மக்கள் குளிரால் மிகவும் சிரமப்படுவார்கள்.

அலாஸ்காவில் உள்ள உட்கியாக்விக் நகரத்திற்கு செல்ல வேண்டுமானால் சாலை வழியாக செல்ல முடியாது.

இந்நகரத்திற்கு செல்ல ஒரே வழி விமானம் தான். விமானத்தின் உதவியுடன் மட்டுமே இந்த நகரத்திற்கு செல்ல முடியும்.

அலாஸ்கா ஏர்லைன்ஸ் மற்றும் பிற பிராந்திய விமான நிறுவனங்கள் ஏங்கரேஜ் மற்றும் ஃபேர்பேங்க்ஸில் இருந்து வழக்கமான விமான சேவையை வழங்குகின்றன என்பதும் குறிப்பிடத்தக்கது.

மேலும் வாசிக்க

மோட்டார் சைக்கிள் விபத்தில் இரு இளைஞர்கள் உயிரிழப்பு..!!!

மாங்குளம் வெள்ளாங்குளம் பகுதியில் மோட்டார் சைக்கிள் இரண்டு நேருக்கு நேர் மோதியதில் இரு இளைஞர்கள் உயிரிழந்ததோடு ஒருவர் படுகாயமடைந்த சம்பவம் ஒன்று புதன்கிழமை (20) மாலை 5.30 மணியளவில் இடம்பெற்றுள்ளது.

முல்லைத்தீவு மாங்குளம் பகுதியில் இருந்து மல்லாவி நோக்கி சென்ற மோட்டார் சைக்கிளும் , மல்லாவியில் இருந்து மாங்குளம் நோக்கி சென்ற மோட்டார் சைக்கிளும் வேகக்கட்டுப்பாட்டை இழந்து மாங்குளம் வன்னிவிளாங்குளம் ஐந்தாவது மைல் கல் பகுதியில் மோதியதில் குறித்த விபத்து சம்பவம் இடம்பெற்றுள்ளது. குறித்த சம்பவத்தில் இரு இளைஞர்கள் உயிரிழந்ததோடு ஒருவர் படுகாயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டுள்ளார்.

குறித்த விபத்து சம்பவத்தில் மாங்குள பகுதியில் வசிக்கும் விஜயகுமார் விதுசன் (20 வயது), ஜெயகுமார் விதுசன்( 23வயது ) ஆகிய இரு இளைஞர்களே உயிரிழந்துள்ளனர். மரியதாஸ் சுவாமிகீர்த்தி (31 வயது) எனும் இளைஞர் படுகாயமடைந்துள்ளார்.

குறித்த விபத்து சம்பவம் தொடர்பில் மாங்குளம் பொலிஸார் மேலதிக விசாரணைகளை முன்னெடுத்து வருகின்றமை குறிப்பிடத்தக்கது.

மேலும் வாசிக்க

மன்னாரில் இறந்த இளம் தாயின் மரணதுக்கு நீதி கோரி போராட்டம்..!!!

மன்னார் பொது வைத்தியசாலையில் மகப்பேற்றுக்காக அனுமதிக்கப்பட்ட நிலையில் மரணமடைந்த தாய் மற்றும் சிசுவின் மரணத்துக்கு நீதி கோரி மன்னார் பொது வைத்தியசாலைக்கு முன்பாக புதன்கிழமை (20) மாலை 4.30 மணியளவில் கவனயீர்ப்பு போராட்டம் ஒன்று இடம்பெற்றது.

தாயின் மரணத்துக்கு நீதி வழங்கவேண்டும், தவறு செய்தவர்கள் கைது செய்யப்படவேண்டும், வைத்தியசாலை நிர்வாகம் மாற்றப்பட வேண்டும் போன்ற பல்வேறு கோரிக்கைகளை முன்வைத்து அமைதியான முறையில் போராட்டம் இடம் பெற்றது.

போராட்டத்தின் போது பல்வேறு கோஷங்கள் எழுப்பப்பட்ட நிலையில் வைத்தியசாலைக்குள் போராட்டகாரர்கள் நுழைய முற்பட்ட நிலையில் கலவரம் ஏற்பட்டது.

இதனை தொடர்ந்து பொலிஸாருக்கும் மக்களுக்குமிடையில் முரண்பாடு ஏற்பட்டது. இதன் காரணமாக கலகம் அடக்கும் பொலிஸாரும் வரவழைக்கப்பட்டனர்.

அதனை தொடர்ந்து சம்பவ இடத்திற்கு வருகை தந்த மாவட்ட அரசாங்க அதிபர் தலைமையிலான குழுவினர் இறந்த பெண்ணின் பெற்றோரிடம் கலந்துரையாடிய போதும் சுமூகமான நிலை ஏற்படவில்லை.

போராட்டகாரர்கள் தொடர்ந்தும் கொட்டும் மழையில் மன்னார் பொது வைத்தியசாலைக்கும் முன்னர் போராட்டத்தில் ஈடுபட்டு வருகின்றனர்.

மேலும் வாசிக்க

பலாலி வடக்கு ஸ்ரீ இராஜராஜேஸ்வரி அம்மன் ஆலயத்துக்கு தினந்தோறும் சென்று வழிபட மக்களுக்கு அனுமதி..!!!

பலாலி வடக்கு ஸ்ரீ இராஜராஜேஸ்வரி அம்மன் ஆலயம் 34 வருடங்களின் பின்னர் மக்களின் வழிபாட்டுக்கு இன்று (20) முதல் தினசரி செல்ல அனுமதிக்கப்பட்டுள்ளது.

ஏற்கெனவே முன்னாள் ஜனாதிபதி ரணில் விக்கிரமசிங்க ஆட்சியில் உயர் பாதுகாப்பு வலயத்தில் உள்ள இந்த ஆலயம் உட்பட 6 ஆலயங்களுக்கு வெள்ளிக்கிழமைகளில் செல்ல அனுமதிக்கப்பட்டது.

இந்நிலையில் இன்று முதல் பலாலி வடக்கு ஸ்ரீ இராஜராஜேஸ்வரி அம்மன் ஆலயத்துக்கு தினசரி செல்ல அனுமதிக்கப்பட்டுள்ளது.

ஆலயத்துக்கு செல்பவர்கள் ஏற்கனவே சென்று வந்த பாதையூடாக செல்ல முடியும்.

மேலும் வாசிக்க

வடக்கு மக்களின் வாழ்வாதாரத்துக்கு 12 மில்லியன் ரூபா நிதி உதவி சீனத்தூதுவரால் வடக்கு ஆளுநரிடம் கையளிப்பு..!!!

வடக்கு மாகாண மக்களின் வாழ்வாதார மேம்பாட்டுக்கு உதவும் வகையில், சீன அரசாங்கத்தால் 12 மில்லியன் ரூபா பெறுமதியான காசோலை வடக்கு மாகாண ஆளுநர் நாகலிங்கம் வேதநாயகன் அவர்களிடம் இலங்கைக்கான சீனத் தூதுவர் கீ சென் ஹொங் இன்று புதன்கிழமை (20.11.2024) கையளித்தார்.

வடக்கு மாகாண ஆளுநர் நாகலிங்கம் வேதநாயகன் அவர்களை, வடக்கு மாகாண ஆளுநர் செயலகத்தில் இன்று(20) காலை இலங்கைக்கான சீனத் தூதுவர் கீ சென் ஹொங் தலைமையிலான குழுவினர் சந்தித்தனர். இதன்போதே அவர் இந்தக் காசோலையைக் கையளித்தார்.

வடக்கு மாகாண ஆளுநராக நியமிக்கப்பட்ட நாகலிங்கம் வேதநாயகன் அவர்களுக்கு வாழ்த்துக்களையும் பாராட்டுக்களையும் தெரிவித்த இலங்கைக்கான சீனத்தூதுவர், இந்தப் பிரதேசத்தின் அபிவிருத்திக்கு தமது பங்களிப்பு இருக்கும் என்று உறுதியளித்தார். வடபகுதியில் ஏற்பட்டுள்ள மாற்றத்தை அவதானிக்கையில் சந்தோசமாக இருப்பதாக சீனத் தூதுவர் குறிப்பிட்டார்.

இலங்கைக்கான சீனத் தூதுவரை வரவேற்ற வடக்கு மாகாண ஆளுநர், வடக்கு மாகாணத்தில் ஊழல் ஒழிப்பு, அபிவிருத்திப் பணிகள் முன்னெடுக்கப்பட வேண்டியதன் அவசியத்தையும் சுட்டிக்காட்டினார்.

வடபகுதி விவசாயிகளின் நீண்ட காலப் பிரச்சினையாக அவர்களின் உற்பத்திப் பொருட்களை ஏற்றுமதி செய்வதற்குரிய வாய்ப்புக்கள் குறைவாக உள்ளன என்பதை ஆளுநர் சுட்டிக்காட்டினார். மேலும், வடக்கு மாகாணத்தின் மற்றொரு முக்கிய வளமான மீன்பிடி மூலமாக பிடிக்கப்படும் மீன்கள் அப்படியே ஏற்றுமதி செய்யப்படுகின்றன எனவும் அவை உற்பத்திப் பொருள்களாக ஏற்றுமதி செய்யப்பட வேண்டியதன் அவசியத்தையும் ஆளுநர் குறிப்பிட்டார்.

வடக்கு மாகாணத்துக்கு சீன அரசாங்கம் தொடர்ச்சியாக உதவிகளைச் செய்யும் என்பதைக் குறிப்பிட்ட சீனத் தூதுவர், வடக்கு மாகாண மக்கள் மிகவும் அன்பாக வரவேற்பு உபசரிப்பது தமக்கு மகிழ்ச்சியைத் தருவதாகவும் தெரிவித்தார்.

மேலும், சீனாவில் 800 மில்லியன் மக்களின் வறுமையை கடந்த தசாப்த காலத்தில் இல்லாதொழித்ததாகவும் அந்த அனுபவங்களைப் பகிர்ந்து கொள்ளத் தயாராக இருப்பதாகவும் சீனத் தூதுவர் குறிப்பிட்டார்.

இந்தச் சந்திப்பில் வடக்கு மாகாண ஆளுநர் நா.வேதநாயகன் அவர்களுடன், ஆளுநரின் செயலர் மு.நந்தகோபாலனும் பங்கேற்றார்.

மேலும் வாசிக்க